21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Պայթյուն և զինված հարձակում Աֆղանստանում․ զոհերի թվում երեխա կա
23.10.2021 | 20:12
Աֆղանստանի արևելքում Նանգարհար նահանգի վարչական կենտրոնում գտնվող Ջելալաբադ քաղաքում պայթյուն է տեղի ունեցել, որի հետևանքով երեխա է զոհվել, ևս երկուսը վիրավորվել են: ՏԱՍՍ-ի փոխանցմամբ՝ այս մասին հայտնել է տեղական Tolo News հեռուստաալիքը։
Նախնական տվյալներով՝ միջադեպը տեղի է ունեցել, երբ մարդատար մեքենան անցել է ականապատ ճանապարհով։ Ենթադրաբար, ականները նախատեսված են եղել թալիբների տրանսպորտային միջոցի համար:
Ավելի ուշ նույն լրատվամիջոցը հայտնել է, որ «Թալիբան» արմատական շարժման զինված ջոկատներից երկու գրոհայիններ են զոհվել Աֆղանստանի արևելքում գտնվող Նանգարհար նահանգի վարչական կենտրոնում գտնվող Ջելալաբադ քաղաքում տեղի ունեցած հարձակման հետևանքով:
Աղբյուրի փոխանցմամբ՝ թալիբները սպանվել են մի քանի կրակոցներով, որոնք, ենթադրաբար, իրականացրել են «Իսլամական պետությունը Խորասանում» խմբավորման զինյալները, որը «Իսլամական պետություն» ծայրահեղական կազմակերպության ճյուղն է:
«Թալիբանի» ներկայացուցիչները դեռեւս մեկնաբանություններ չեն տվել այդ երկու դեպքերի վերաբերյալ:
