29.06.2026 | 13:54
Հրդեհ Կապուտանում․ հրշեջ-փրկարարները կանխել են կրակի տարածումը
Թուրքիան հայտնել է ԱՄՆ-ից F-16 կործանիչների գնման գործընթաց սկսելու մասին
Քաղաքականություն
23.10.2021 | 19:54
Թուրքիայի ազգային պաշտպանության նախարար Հուլուսի Աքարը հայտնել է Միացյալ Նահանգներից F-16 կործանիչների գնման գործընթաց սկսելու մասին, փոխանցում է ՏԱՍՍ-ը։
«Թուրքիայի ուժեղացումը նաև նշանակում է ՆԱՏՕ-ի ուժեղացում»,- նրա խոսքը մեջբերում է Anadolu-ն։
Հիշեցնենք, որ Թուրքիան Ռուսաստանից C-400 զենիթահրթիռային համակարգեր է ձեռք բերել։ Ի պատասխան՝ ԱՄՆ-ը փորձել է ճնշում գործադրել Թուրքիայի վրա՝ 2019 թվականին հրաժարվելով այդ երկիր մատակարարել հինգերորդ սերնդի F-35 ինքնաթիռներ։ Սակայն դա հակառակ արդյունքն է տվել. վերջին ժամանակներս պարբերաբար տեղեկատվություն է հայտնվում, որ Անկարան դիտարկում է Մոսկվայից նոր սերնդի ինքնաթիռների գնման հնարավորությունը։
Ավելի վաղ Թուրքիայի պաշտպանական արդյունաբերության վարչության ղեկավար Իսմայիլ Դեմիրն ասել էր, որ հանրապետությունը նախկինի պես պատրաստ է քննարկել ռուսական Սու-35 և Սու-57 ինքնաթիռների ձեռքբերման հնարավորությունը, եթե Անկարային չհաջողվի Վաշինգտոնի հետ պայմանավորվել ամերիկյան կործանիչների մատակարարման հարցում:
