31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Շոյգուն հայտարարել է, որ ՆԱՏՕ-ն ուժեր է տեղակայում Ռուսաստանի սահմանների մոտ
23.10.2021 | 18:34
Ռուսաստանին ռազմական զսպման կոչերի ֆոնին ՆԱՏՕ-ն հետևողականորեն ուժեր է տեղակայում ՌԴ սահմանների մոտ։ ՏԱՍՍ-ի փոխանցմամբ՝ այս մասին հայտարարել է ՌԴ պաշտպանության նախարար Սերգեյ Շոյգուն՝ ի պատասխան Գերմանիայի պաշտպանության նախարար Աննեգրետ Քրամպ-Կարենբաուերի հայտարարության։
«Ռուսաստանին ռազմական զսպման կոչերի ֆոնին ՆԱՏՕ-ն հետևողականորեն ուժեր է տեղակայում մեր սահմաններին։ Ինչպես են նման բաներն ավարտվել Գերմանիայի և Եվրոպայի համար, Գերմանիայի պաշտպանության նախարարը պարտավոր է լավ իմանալ։ Եվրոպայում անվտանգությունը կարող է լինել միայն ընդհանուր ջանքերով՝ առանց Ռուսաստանի շահերի ոտնահարման։ Բայց այդ հարցի շուրջ իրավահավասար երկխոսությանն այսօր պատրաստ չէ հենց ՆԱՏՕ-ն», – ասել է Շոյգուն։
Նա աղետ է անվանել Աֆղանստանում ՆԱՏՕ-ի «զսպման» ծրագրի իրականացման արդյունքները։
Հոկտեմբերի 21-ին Գերմանիայի պաշտպանության նախարարը, «Դոյչլանդֆունք» ռադիոկայանի եթերում պատասխանելով այն հարցին, թե ինչ է մտածում ՆԱՏՕ-ն Բալթյան և Սևծովյան տարածաշրջանների, այդ թվում ՝ միջուկային զենքով օդային տարածքում Ռուսաստանին զսպելու սցենարների մասին, հայտարարել է, որ ՆԱՏՕ-ն պետք է պարզ հասկացնել տա Ռուսաստանին, որ դաշինքը պատրաստ է օգտագործել նաև այնպիսի միջոցներ, որ ոչ մեկի մտքով չանցնի հարձակվել, օրինակ՝ Բալթյան տարածաշրջանների կամ Սև ծովում ՆԱՏՕ-ի գործընկերների վրա։ Քրամփ-Կարենբաուերն ընդգծել է, որ դա ՆԱՏՕ-ի հիմնական գաղափարն է, այն հարմարվելու է Ռուսաստանի ներկայիս պահվածքին:
