16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Թուրքական լիրան արժեզրկման նոր ռեկորդ է գրանցել՝ տնտեսության իրավիճակի վատթարացման ֆոնին
Քաղաքականություն
22.10.2021 | 20:42
Թուրքական լիրան երկրի տնտեսության վիճակի վատթարացման ֆոնին արժեզրկման հերթական ռեկորդն է գրանցել՝ հասնելով 9․66-ի 1 ԱՄՆ դոլարի նկատմամբ, գրում է Duvar-ը։
Չնայած թուրքական արժույթը շաբաթներ շարունակ արժեզրկվում է, գործընթացն արագացել է Թուրքիայի նախագահ Ռեջեփ Թայիփ Էրդողանի՝ Կենտրոնական բանկի գործունեությանը միջամտելուց հետո։
Էրդողանը, որն իրեն անվանում է բարձր տոկոսադրույքների թշնամի, Կենտրոնական բանկի դրամավարկային քաղաքականության երեք անդամի անցյալ շաբաթ աշխատանքից ազատել է։ Ի դեպ, հեռացվածներից միայն մեկն է, որը դեմ է եղել անցյալ ամիս տոկոսադրույքների բարձրացմանը։
Այնուհետ, Բանկը հոկտեմբերի 21-ին նվազեցրել է իր հիմնական տոկոսադրույքը 18-ից 16 տոկոսի ՝արհամարհելով գործարար աշխարհի և ընդդիմադիր կուսակցությունների զգուշացումները, որ պետք է գործի անկախ մանդատով և ոչ թե Էրդողանի ցանկություններով։
Էմմա Չոբանյան
