29.06.2026 | 21:20
Մարդատարներին կարգելե՞ն Երևան մտնել․ Ավինյանն առաջարկում է քաղաքի մուտքերի մոտ կայանատեղիներ սարքել. ՏԵՍԱՆՅՈւԹ
Արցախի գրավյալ շրջաններում Ադրբեջանը մի շարք ռազմական օբյեկտներ է շահագործման հանձնել․ ԼՈՒՍԱՆԿԱՐՆԵՐ
Քաղաքականություն
22.10.2021 | 17:44
Ադրբեջանի պաշտպանության նախարար Զաքիր Հասանովն ու նախարարության ղեկավար կազմը մասնակցել են Արցախի գրավյալ տարածքներում նորակառույց մոդուլային տիպի կառույցների, ինչպես նաև կապիտալ վերանորոգված կացարանների ու ռազմական նշանակության այլ օբյեկտների բացմանը։ Այս մասին հաղորդում են ադրբեջանական լրատվամիջոցները՝ հղում կատարելով ՊՆ-ին։
Նախարարին զեկուցվել է, որ համալիրները հագեցած են ժամանակակից սարքավորումներով, կահույքով և լիովին բավարարում են զինծառայողների կարիքները։
Հասանովը նաև ծանոթացել է զորավարժարանի ենթակառուցվածքներին, որը կառուցվել է ուսումնամարզական առաջադրանքների կատարման համար։ Նրան տեղեկացրել են, որ «զինծառայողների պրոֆեսիանալիզմի հետագա բարձրացման համար որակավորված հրահանգիչներն անցկացնելու են մարտական պայմաններին լիովին հարմարեցված և տեղանքի ռելիեֆին պահանջներին բավարարող ուսումնական վարժանքներ»։
Զաքիր Հասանովին նաև զեկուցվել է, որ բնակավայրերի ու վարչական շենքերի կառուցումը նախատեսվում է ավարտել կարճ ժամկետներում ու շահագործման հանձնել։
Ի դեպ՝ չի հաղորդվում, թե Արցախի գրավյալ ո՞ր շրջաններում են գտնվում այս ռազմական օբյեկտները։ Նախօրեին Ադրբեջանի ՊՆ-ն տեղեկություն էր տարածել, որ Հասանովն այցելել է գրավյալ Քարվաճառի և Քաշաթաղի զորամասեր։ Չի բացառվում, որ ռազմական նշանակության այս օբյեկտները գտնվում են հենց այս շրջաններում։
Էմմա Չոբանյան
