19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
Իրավունքի ուժով ստեղծվել է Ազգային ժողովի քննիչ հանձնաժողով
Քաղաքականություն
22.10.2021 | 16:56
ԱԺ նախագահի պարտականությունները կատարող ԱԺ փոխնախագահ Ռուբեն Ռուբինյանը հայտարարություն է տարածել, որում ասվում է, որ իրավունքի ուժով Ազգային ժողովի քննիչ հանձնաժողով է ստեղծվել։
««Ազգային ժողովի կանոնակարգ» սահմանադրական օրենքի 20-րդ հոդվածի 1-ին մասի համաձայն` պատգամավորների ընդհանուր թվի առնվազն մեկ քառորդի պահանջով «Հայաստան» համահայկական հիմնադրամի կողմից հավաքված և Հայաստանի Հանրապետության պետական բյուջե փոխանցված միջոցների օգտագործումը ուսումնասիրելու նպատակով իրավունքի ուժով ստեղծվել է Ազգային ժողովի քննիչ հանձնաժողով:
«Ազգային ժողովի կանոնակարգ» սահմանադրական օրենքի 20-րդ հոդվածի 6-րդ մասի համաձայն՝ քննիչ հանձնաժողովի անդամների թիվը սահմանող Ազգային ժողովի որոշման նախագիծը կքննարկվի Ազգային ժողովի 2021 թ. հոկտեմբեր 26-ին սկսվող հերթական նիստերում»,- նշված է հայտարարության մեջ:
