22.04.2026 | 23:30
ՀՀ տարածքում ավտոճանապարհները հիմնականում անցանելի են
Հույս ունեմ այսօր երեկոյան Փաշինյանի հրաժարականի մասին լսել. Հայկ Մամիջանյան․ ՏԵՍԱՆՅՈՒԹ
Քաղաքականություն
22.10.2021 | 15:39
«Քաղաքացիները հոգնել են ստից, պոպուլիզմից և ապիկար կառավարումից, հակահայկական գործունեությունից, դավաճանությունից»,- Factor.am-ի հետ զրույցում այս մասին նշեց ԱԺ «Պատիվ ունեմ» խմբակցության քարտուղար Հայկ Մամիջանյանը՝ անդրադառնալով ՏԻՄ ընտրություններում իշխանությունների պարտությանը Գորիսում, Մեղրիում և Գյումրիում:
«Այս համայնքներում «No, no no, նախկինները կվերադառնան» թեզը չաշխատեց: Վստահ եմ՝ գալու է պահը և բոլոր մոլորեցման մեջ գտնվողներն, ովքեր ձայն են տվել այս «խունտային» կդիտարկեն, որ սխալ են գործել»,- նշեց պատգամավորը՝ հավելելով, որ այդ համայնքներում իշխանության պարտությունը ընդդիմադիր դաշտի համար կարևոր հաղթանակ է համարում:
Մամիջանյանի դիտարկմամբ՝ իշխանության վարկանիշն ավելի ցածր է, քան իշխանությունն՝ ինքն է ներկայացնում: Ըստ պատգամավորի՝ այն, որ պատվաստվողների տոկոսային թիվը շատ փոքր է, դա ևս վկայում է այդ մասին:
Անդրադառնալով դիտարկմանը, որ մշտապես խոսվում է այն մասին, որ այս իշխանությունները երկար չեն պաշտոնավարի, Մամիջանյանն ընդգծեց. «Ես հույս ունեմ՝ այսօր երեկոյան Փաշինյանի հրաժարականի մասին լսել, դա կօգնի բանակցային գործընթացում հնարավորություններն օգտագործել»: Պատգամավորը հավելեց, որ իշխանության դեմ պայքարի բոլոր միջոցներն օգտագործվելու են:
Մանրամասները՝ տեսանյութում:
