17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Տարբեր թվերի քարտեզներ կան․ մեր ոչ բարով բանակցողների խնդիրը պիտի լինի ՀՀ-ին ձեռնտու թղթերը հաստատել․ ՏԵՍԱՆՅՈՒԹ
Քաղաքականություն
22.10.2021 | 15:31
Երեկ ՌԴ նախագահը հայտարարել է, որ առանց Ռուսաստանի մասնակցության հնարավոր չէ Արցախի և Ադրբեջանի միջև սահմանային խնդիրները լուծել՝ պատճառաբանելով, որ քարտեզները, որոնցում նշված է, թե ինչպես են անցել այդ սահմանները, գտնվում է Ռուսաստանի գլխավոր շտաբում: Factor.am-ի հետ զրույցում անդրադառնալով այս դիտարկմանը և հարցին, թե ինչպես է ստացվել, որ այդ քարտեզներն այնտեղ են գտնվում և այս իրավիճակում Հայաստանն ինչ քայլեր կարող է ձեռնարկել, ԱԺ «Պատիվ ունեմ» խմբակցության քարտուղար Հայկ Մամիջանյանը նշեց. «Այո՛ իրապես խորհրդային քարտեզների մեծ մասը տրամաբանորեն պահվում է մոսկովյան արխիվներում, դրանց մի մասը կա նաև ՀՀ արխիվներում:
Խորհրդային քարտեզները մի քանիսն են՝ տարբեր թվականների քարտեզներ կան, որոնց միջև կան մեծ տարբերություններ՝ և՛ ի նպաստ, և՛ ի վնաս Հայաստանի: Մեր ոչ բարով բանակցողների աշխատանքն է գոնե հաստատել այն աշխատանքային փաստաթղթերը՝ քարտեզների տրամաբանությամբ, որոնք ձեռնտու են Հայաստանին»:
Մամիջանյանի դիտարկմամբ՝ ՌԴ նախագահ Պուտինի հայտարարությունը խիստ տրամաբանական է, որովհետև ՌԴ-ն գերտերություն է, և առանց իր մասնակցության մեր տարածաշրջանում չի կարող այդպիսի որևէ խնդիր լուծվել, և երկրորդ Ռուսաստանը Մինսկի խմբի համանախագահ է»:
Մանրամասները՝ տեսանյութում:
