14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Ադրբեջանի Մեջլիսի նախագահը հայտարարել է, որ դեմ են միջազգային կառույցների կողմից «ԼՂ հակամարտություն» արտահայտության օգտագործմանը
Քաղաքականություն
22.10.2021 | 15:35
Ադրբեջանի Միլի Մեջլիսի նախագահ Սահիբա Գաֆարովան Աթենք կատարած այցի շրջանակում ԵԱՀԿ Խորհրդարանական վեհաժողովի նախագահ Մարգարեթ Սեդերֆելթի հետ հանդիպմանը բողոքել է միջազգային կառույցների ներկայացուցիչների կողմից «Լեռնային Ղարաբաղի հակամարտություն» արտահայտության օգտագործման դեմ։
Ադրբեջանական լրատվամիջոցները, վկայակոչելով Մեջլիսի տարածած հաղորդագրությունը, նշում են, որ Գաֆարովան անթույլատրելի է համարել «Լեռնային Ղարաբաղի հակամարտություն» արտահայտության կիրառումը։
Գաֆարովան հայտարարել է, որ Ադրբեջանը, իբր, «վերականգնել է իր տարածքային ամբողջականությունը Արցախյան 44-օրյա պատերազմում տարած հաղթանակի շնորհիվ»։
«Լեռնային Ղարաբաղի հակամարտությունն ընդմիշտ մնացել է պատմության մեջ։ Ադրբեջանի ու տարածաշրջանի համար նոր փուլ է սկսվել։ Դա վերականգնման ու շինարարության փուլն է»,- ասել է Գաֆարովան՝ չնշելով, որ Ադրբեջանը շարունակում է ԵԱՀԿ Մինսկի խմբի շրջանակում բանակցել Լեռնային Ղարաբաղի հակամարտության կարգավորման համար։
Էմմա Չոբանյան
