30.07.2026 | 13:33
Հայաստանի պատանի ինֆորմատիկները Եվրոպական օլիմպիադայում 4 մեդալ են նվաճել
Իրանի ԱԳՆ ղեկավարը վերահաստատել է հարևան երկրների անկախությանը, ինքնիշխանությանը և տարածքային ամբողջականությանը աջակցելու՝ Թեհրանի դիրքորոշումը
Քաղաքականություն
22.10.2021 | 15:10
Իրանի ԱԳ նախարար Հոսեյն Ամիրաբդոլլահիանը և Թուրքիայի ԱԳ նախարար Մևլութ Չավուշօղլուն կայացած հեռախոսազրույցի ընթացքում, ի թիվս այլ հարցերի, քննարկել են նաև տարածաշրջանային խնդիրները։
Tasnim-ի հաղորդմամբ՝ Ամիրաբդոլլահիանը վերահաստատել է Իրանի քաղաքականությունը՝ աջակցելու հարևան երկրների անկախությանը, ինքնիշխանությանը և տարածքային ամբողջականությանը և թույլ չտալու, որ թշնամական դավադրությունները խաթարեն հարևանների միջև հարաբերությունները։
Երկու երկրների ԱԳ նախարարները կարևորել են Տնտեսական համագործակցության կազմակերպության (ՏՀԿ) գագաթնաժողովը տարածաշրջանային համագործակցության ամրապնդման համար, ընդգծել են Թեհրանի և Անկարայի միջև շարունակական խորհրդակցությունների անհրաժեշտությունը և հորդորել շարունակել երկու երկրների պաշտոնյաների այցերը՝ փոխադարձ հետաքրքրություն ներկայացնող հարցերի քննարկման համար։
Տաթև Ֆռանգյան
