27.11.2024 | 12:25
Վրաստանի իշխող կուսակցությունը նախագահի թեկնածու կառաջադրի նախկին ֆուտբոլիստ Միխեիլ Կավելաշվիլիին
Ղրղզստանը թուրքական Bayraktar TB2 անօդաչու թռչող սարքեր կգնի
Քաղաքականություն
22.10.2021 | 13:55
Ղրղզստանի բանակը կստանա թուրքական արտադրության Bayraktar TB2 անօդաչու թռչող սարքեր (ԱԹՍ)։ Այս մասին հայտնում է «Անադոլու» գործակալությունը։
Ղրղզստանի ազգային անվտանգության պետական կոմիտեի նախագահ, գեներալ Կամչիբեկ Տաշիևը լրագրողներին ասել է, որ Բիշքեկն արդեն Անկարա է ուղարկել անօդաչու թռչող սարքերի խմբաքանակ ձեռք բերելու պատվերը:
Տաշիևի խոսքով՝ թուրքական անօդաչուները մոտ ապագայում կհամալրեն Ղրղզստանի բանակի սպառազինությունը։ Նա նշել է, որ անօդաչու թռչող սարքերի օպերատորներն արդեն վերապատրաստվել են Թուրքիայում:
Բացի այդ, պաշտոնյան նշել է, որ Ղրղզստանը գնել է «Օրլան-10» գրոհային անօդաչու թռչող սարքեր և ապահովել դիպուկահար հրացանների մատակարարումը Ռուսաստանի Դաշնությունից:
Տաթև Ֆռանգյան
