02.04.2026 | 14:08
Պրեմիեր լիգայի ակումբները մեկ տարում 460 միլիոն ֆունտ են վճարել ֆուտբոլիստների գործակալներին
Համացանցում տեսանյութ է հայտնվել, որում Միխայիլ Սաակաշվիլին լաստանավով Վրաստանի ճանապարհին է․ ՏԵՍԱՆՅՈւԹ
Քաղաքականություն
22.10.2021 | 13:17
Համացանցում տեսանյութ է հայտնվել, որում երևում է, թե ինչպես է Վրաստանի նախկին նախագահ Միխայիլ Սաակաշվիլին Ուկրաինայից Վրաստան հասել։ Կադրերը հրապարակել է ռուսական տելեգրամ-ալիքներից մեկը։
«Էքսկլյուզիվ կադրեր։ Սաակաշվիլին լաստանավում՝ Վրաստանի ճանապարհին»,- ասված է տեսանյութի նկարագրությունում։
Տեսանյութում երևում է Միխայիլ Սաակաշվիլին, հետևի ֆոնին տուփեր են։
Հիշեցնենք, որ Սաակաշվիլին Ուկրաինայից հեռացել և լաստանավով Վրաստան է մուտք գործել սեպտեմբերի 28-ին՝ թաքնվելով բեռնատարում, որը կաթնամթերք է տեղափոխել։
Միխայիլ Սաակաշվիլին Վրաստանում ձերբակալվել է հոկտեմբերի 1-ին․ հայրենիքում նա մի քանի քրեական գործերով է անցնում։ Նախկին նախագահին հեռակա դատապարտել են բանկիր Սանդրո Գիրգվլիանիի սպանության և պատգամավոր Վալերի Գելաշվիլիին ծեծի ենթարկելու գործերով: Առաջին դեպքում Սաակաշվիլիին դատապարտել են 3 տարվա, երկրորդ գործով՝ 6 տարվա ազատազրկման։
Մանրամասները՝ տեսանյութում։
Տաթև Ֆռանգյան
