Քաղաքականություն
22.10.2021 | 12:13
ՌԴ Ռյազանի մարզի Շիլովսկի շրջանում հրդեհվել է վառոդ արտադրող «Էլաստիկ» գործարանը։ Այս մասին «ՌԻԱ Նովոստիին» հայտնել է ՌԴ ԱԻՆ ներկայացուցիչը:
«Ըստ նախնական տվյալների՝ տուժել է 17 մարդ, որոնցից յոթը մահացել է, մեկը՝ հոսպիտալացվել, ինը մարդու ճակատագիրն անհայտ է մնում»,- գործակալությանը հայտնել են ԱԻՆ մամուլի ծառայությունից։
Գերատեսչությունում հավելել են, որ հրդեհի պատճառը եղել է տեխնոլոգիական գործընթացի խախտումը։ Ժամը 09:45-ի սահմաններում հրդեհը մեկուսացվել է 160 քմ տարածքում։
Բնակչությանը վտանգ չի սպառնում։
Տաթև Ֆռանգյան
