05.05.2024 | 18:27
«Տավուշը հանուն հայրենիքի» շարժման երթը Գեղարքունիքի մարզում է
Մոսկվան ամեն ջանք գործադրում է՝ ՌԴ խաղաղապահ զորախմբի պատասխանատվության գոտում հրադադարի ռեժիմի խախտումները կանխելու համար․ Զախարովա
Քաղաքականություն
21.10.2021 | 18:24
Մոսկվան ամեն ջանք գործադրում է՝ ՌԴ խաղաղապահ զորախմբի պատասխանատվության գոտում հրադադարի ռեժիմի խախտումները կանխելու համար։ Այս մասին ամենշաբաթյա ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Ռուսաստանի խաղաղապահ զորախմբի պատասխանատվության գոտում իրավիճակը, ներառյալ՝ վերջին միջադեպերը, հոկտեմբերի 14-ին քննարկվել են Մինսկում ԱՊՀ երկրների ԱԳ նախարարների Խորհրդի շրջանակում՝ Ռուսաստանի, Ադրբեջանի և Հայաստանի ԱԳ նախարարների եռակողմ հանդիպման ժամանակ»,- նշել է Զախարովան։
Նրա խոսքով՝ Լեռնային Ղարաբաղում իրավիճակը պարբերական քննարկումների առարկա է՝ Ռուսաստանի խաղաղապահ զորախմբի, Գլխավոր շտաբերի, Հայաստանի և Ադրբեջանի զինված ուժերի ղեկավարության մակարդակով:
Հիշեցնենք, որ հոկտեմբերի 14-ին Ադրբեջանի ԶՈՒ-ն կրակ է բացել Լեռնային Ղարաբաղի արևելյան ուղղությամբ տեղակայված մարտական դիրքի ուղղությամբ: Գնդակոծության հետևանքով վեց զինծառայող հրազենային վիրավորում է ստացել։
Տաթև Ֆռանգյան
