14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ռուսական կողմից հնչեցվում են հայտարարություններ, որ Ադրբեջան զենքի մատակարարումների քանակը խիստ նվազելու է․ ՊՆ փոխնախարար. ՏԵՍԱՆՅՈՒԹ
Տնտեսություն
28.03.2018 | 14:30
«Ռուսական կողմից հնչեցվում են հայտարարություններ, որ Ադրբեջան զենքի մատակարարումների քանակը խիստ նվազելու է», – այսօր լրագրողների հետ հանդիպմանն ասաց Հայաստանի պաշտպանության փոխնախարար, Պաշտպանության նախարարության ռազմարդյունաբերության պետական կոմիտեի նախագահ Դավիթ Փախչանյանը՝ հավելելով, որ Հայաստանի և Ռուսաստանի համագործակցությունը սպառազինության ոլորտում արդյունավետ է:
«ՌԴ-ի հետ առաջին վարկի շրջանակներում սպառազինությունն ամբողջովին մատակարարված է և կա պայմանավորվածություն շարունակելու»,- ասաց նա։
Փոխնախարարը տեղեկացրեց՝ հայկական կողմը, բացի Ռուսաստանից, Հնդկաստանից սպառազինությունների ոլորտում այլ երկրների հետ ևս համագործակցում է, և նրանցից մի քանիսը վաղը կայանալիք սպառազինության և պաշտպանական տեխնոլոգիաների ցուցադահանդեսին ներկա կլինեն։
Ի դեպ, վաղվա ցուցադրությանը կմասնակցեն 14 երկրների 30 ընկերություններ․ «Ներկայացված ընկերությունների հետ կա համագործակցություն, մի շարք ընկերությունների հետ էլ նոր բանակցությունների փուլում ենք գտնվում»։
Հարցին, թե որքան է կազմում մեր բանակում հայկական արտադրության սպառազինության տոկոսը, փոխնախարար Փախչանյանը նշեց, թե դա պլանավորվում է Ռուսաստանի Դաշնության հետ վարկի շրջանակներում սպասվող սպառազինության հաշվարկի հիման վրա․ «Ռուսաստանի հետ հաշված՝ մոտավորապես մեկ քառորդը կկազմեն մեր ներքին արտադրանքի գնումները»։
Դավիթ Փախչյանը վստահեցրեց՝ առաջնագիծը ամրապնդելու ու տեսադիտարկման տեխնիկայով հագեցնելու առումով լուրջ առաջընթաց կա։
Մանրամասները՝ տեսանյութում։
Լիլիթ Շաբոյան
