08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Հնդկաստանում երգ ու պարով են նշել կորոնավիրուսի դեմ մեկ միլիարդերորդ պատվաստումը․ Reuters
Քաղաքականություն
21.10.2021 | 23:08
Հնդկաստանում հոկտեմբերի 21-ին իրականացրել են կորոնավիրուսի դեմ մեկ միլիարդերորդ պատվաստումը։ Հաղթահարելով այս ցուցանիշը՝ Հնդկաստանը պատվաստման տեմպով դարձել է Չինաստանից հետո երկրորդը, գրում է AP-ն։
Նշվում է, որ Հնդկաստանի չափահաս բնակչության 75%-ը ստացել է պատվաստանյութի գոնե մեկ չափաբաժինը, իսկ 30%-ն ամբողջությամբ պատվաստված է։
Reuters-ի հաղորդմամբ էլ՝ Հնդկաստանի Առողջապահության նախարարությունն այս առթիվ հայտարարել է երկրում երգ ու պարի միջոցառումներ, ինչպես նաև հատուկ լուսավորվել են ազգային հուշարձանները։
Եթե գարնանը Հնդկաստանում կորոնավիրուսի «դելտա» շտամի պատճառով ամեն օր գրանցվում էր վարակման գրեթե կես միլիոն դեպք, ապա երեկ այնտեղ գրանցվել է վարակման շուրջ 14 հազար նոր դեպք։ Ամռանը վիրուսի դեմ հակամարմինների առկայության ուսումնասիրությունները ցույց են տվել, որ բնակչության ավելի քան 60%-ն արդեն անձեռնմխելի է SARS-CoV-2-ից։
Տաթև Ֆռանգյան
