Մենք այս պահին ոչ մի քաղաքական ուժի հետ ո՛չ խոսել ենք, ո՛չ էլ պատրաստ ենք առաջարկներ քննարկելու․ Շիրակի մարզպետ

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Գյումրու ՏԻՄ ընտրություններին մասնակցող իշխող «Քաղաքացիական պայմանագիր» կուսակցության քաղաքապետի թեկնածու, Շիրակի մարզպետ Հովհաննես Հարությունյանից այսօր հետաքրքրվեցինք, թե որքանո՞վ են հավաստի Գյումրիում շրջանառվող այն լուրերը, թե ՔՊ-ն կոալիցիա կկազմի «Բալասանյան դաշինք»-ի հետ և քաղաքապետի պաշտոնում կառաջադրեն ոչ թե Սամվել Բալասանյանի թիմի թեկնածու Վարդգես Սամսոնյանի, այլ իր թեկնածությունը։

Մարզպետն ասաց՝ քանի դեռ Կենտրոնական ընտրական հանձնաժողովի կողմից պաշտոնական տվյալներ չեն հրապարակվել, այդ մասին վաղ է խոսելը։ Ըստ նրա՝ վերջնական արդյունքներից հետո գուցե լինեն առաջարկություններ, որոնք և կքննարկվեն։
«Մենք այս պահին ոչ մի քաղաքական ուժի հետ ո՛չ խոսել ենք, ո՛չ էլ պատրաստ ենք առաջարկներ քննարկելու։ Մենք սպասում ենք Կենտրոնական ընտրական հանձնաժողովի պաշտոնական տվյալների հրապարակմանը, դրանից հետո գուցե կլինեն առաջարկություններ, մենք կքննարկենք դրանք»,-ասաց մարզպետը։

Հովհաննես Հարթյունյանը չբացառեց իր քաղաքապետ ընտրվելը։
«Եթե Կենտրոնական ընտրական հանձնաժողովի արդյունքների ամփոփումից հետո քննարկումներ լինեն և արդյունքում այնպիսի որոշման հնարավորություն լինի, որն ,իրոք, ի օգուտ մեր քաղաքի զարգացման կլինի, մենք կկանգնենք այդ որոշման կողքը»,-ասաց նա։

Նա նաև նշեց, որ այս պահին դեռ շարունակելու է պաշտոնավարել որպես մարզպետ, մարզպետի պաշտոնից ազատվելու հարց չի քննարկվել։

Հարցին էլ՝ եթե չընտրվեք քաղաքապետ, կշարունակե՞ք մնալ մարզպետ, Հովհաննես Հարությունյանը պատասխանեց՝ որտեղ նպատակահարմար կհամարվի իր ծառայությունը, պատրաստ է ծառայել։

Հիշեցնենք, որ Գյումրու ՏԻՄ ընտրություններում ձայների քանակով առաջին տեղն է զբաղեցնում «Բալասանյան դաշինք» սոցիալական կուսակցությունը․ ստացել է քվեների 36,59 տոկոսը, իսկ ՔՊ-ն՝ 29,56 տոկոսը։

Ընդհանուր առմամբ անցել են հինգ քաղաքական ուժեր՝

«Բալասանյան դաշինք» սոցիալական կուսակցությունը,

«Քաղաքացիական պայմանագիր»-ը, «Զարթոնք» կուսակցությունը,

«Ապրելու երկիր» կուսակցությունը և ՀՀԿ-ն։ Այս ուժերից ոչ մեկը ավագանու տեղերի ընդհանուր թվի 50 տոկոսից ավելի ձայներ չի հավաքել։

Արմիկ Մովսիսյան