09.06.2026 | 00:17
Մարկո Ռուբիոն շնորհավորել է Փաշինյանին
Ադրբեջանի ԱԳ նախարարն ու ԱՄՆ պետքարտուղարի օգնականը քննարկել են տարածաշրջանային իրավիճակը
Քաղաքականություն
20.10.2021 | 19:11
Ադրբեջանի ԱԳ նախարար Ջեյհուն Բայրամովն այսօր հեռախոսազրույց է ունեցել ԱՄՆ պետքարտուղարի Եվրոպայի ու Եվրասիայի հարցերով օգնական Քարեն Դոնֆրիդի հետ։ Այս մասին հայտնում են ադրբեջանական լրատվամիջոցները՝ վկայակոչելով Ադրբեջանի ԱԳՆ մամուլի ծառայությունը։
Նշվում է, որ Դոնֆրիդը շնորհավորանքներ է փոխանցել Ադրբեջանի անկախության 30-ամյակի առթիվ։ Բացի այդ, կողմերը կարծիքներ են փոխանակել երկու երկրների համագործակցության օրակարգի վերաբերյալ և ընդգծել որոշ ուղղություններով կապերի զարգացման կարևորությունը։
Զրույցի ընթացքում կողմերը նաև քննարկել են տարածաշրջանում տիրող իրավիճակը։ Բայրամովը ԱՄՆ պետքարտուղարի օգնականին է ներկայացրել Ադրբեջանի դիրքորոշումը «Հայաստանի հետ հարաբերությունների կարգավորման մասին՝ հիմնված միջազգային իրավունքի վրա»։
Քարեն Դոնֆրիդն իր հերթին կարևորել է երկու երկրների հարաբերությոնների կարգավորման անհրաժեշտությունն ու հայտնել այդ հարցում ԱՄՆ-ի կողմից աջակցության պատրաստակամությունը։
Էմմա Չոբանյան
