16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
«Գազել»-ի վթարից տուժածներից 3-ի վիճակը ծայրահեղ ծանր է, նրանցից մեկն անչափահաս է․ ՏԵՍԱՆՅՈՒԹ
Հասարակություն
20.10.2021 | 18:50
Երևան-Գյումրի ավտոճանապարհին՝ Կաքավաձոր գյուղի մոտ այսօր առավոտյան տեղի ունեցած խոշոր վթարի հետևանքով մահացել է 5 անձ, 17 մարդ էլ տեղափոխվել է տարբեր բժշկական կենտրոններ:
«Արմենիա» հանրապետական բժշկական կենտրոնի գլխավոր տնօրենի տեղակալ Աշոտ Կուրղինյանը Factor TV-ի հետ զրույցում նշեց, որ 10 տուժած քաղաքացիներ առավոտյան ժամը 8․30-ին տեղափոխվել են «Արմենիա» ՀԲԿ, որոնցից 6-ն այս պահին գտնվում են վերակենդանացման բաժանմունքում։ 3 քաղաքացու վիճակը գնահատվում է ծայրահեղ ծանր, մյուս 3-ինը՝ ծանր։
Ծայրահեղ ծանր վիճակում գտնվող 2 քաղաքացի վիրահատվել է, որոնցից մեկի վիճակը շարունակում է մնալ ծայրահեղ ծանր։ Հիվանդանոց տեղափոխված մյուս 4 քաղաքացիներն էլ օգնություն են ստացել և դուրս գրվել։
«Ամենաերիտասարդը 2004 թվականի ծնված է, ամենամեծը՝ 1963 թվականի։ Ծայրահեղ ծանր վիճակում գտնվողները երիտասարդներ են, մյուսն էլ՝ մոտավորապես 40-ամյա կին»,- ասաց փոխտնօրենը։
Նշենք, որ այսօր ժամը 07:00-ի սահմաններում Գյումրի քաղաքի 59-ամյա բնակիչն իր վարած ուղևորատար «Գազել» մակնիշի ավտոմեքենայով դեպի Երևան ընթանալիս, Երևան-Գյումրի ավտոճանապարհի 51-րդ կմ-ի հատվածում, ավտոմեքենան դուրս է բերել ճանապարհի երթևեկելի գոտուց աջ և կողաշրջվել, որի հետևանքով վերջինս և նույն ավտոմեքենայի չորս ուղևոր մահացել է։ Դեպքի վայրի զննությամբ պարզվել է, որ Երևան-Գյումրի ավտոճանապարհի 51-րդ կմ-ի շրջադարձային հատվածում իրականացվող ճանապարհաշինարարական աշխատանքների ընթացքում չեն ապահովվել անվտանգության կանոնները։ Կատարվում են քննչական և դատավարական այլ գործողություններ՝ դեպքի բոլոր հանգամանքները պարզելու ուղղությամբ: Նախաքննությունը շարունակվում է:
Մանրամասները՝ տեսանյութում։
Արփի Հակոբյան
