14.09.2026 | 11:33
Հաջիևը մեր պատմությունը աղվանական է ներկայացնում, դիրքորոշո՛ւմ հայտնեք․ Գրիրգորյանը՝ Ռուբինյանին․ ՏԵՍԱՆՅՈՒԹ
Հեյդար Ալիևը Թեհրանի փողոցներում կոշիկ է մաքրել․ իրանցի նախկին պաշտոնյայի բացահայտումներն Ալիև ավագի մասին
Քաղաքականություն
20.10.2021 | 18:06
Իրանի և Ադրբեջանի միջև հերթական սկանդալն է հասունանում։ Մասնավորապես, Ահմադ Հոսսեինի Ալաստը, որն Իրանի Մշակութային ու իսլամական հարաբերությունների կազմակերպության ադրբեջանական բաժնի նախկին ղեկավարն է, սկանդալային բացահայտում է արել Ադրբեջանի նախկին նախագահ Հեյդար Ալիևի վերաբերյալ։
Նա հայտարարել է, որ ժամանակին Հեյդար Ալիևը Թեհրանի փողոցներում կոշիկ է մաքրել։ Այս մասին նա ասել է իրանական Mehr գործակալությանը տված հարցազրույցում, որը թվիթերյան իր էջում տեղադրել է intelliNews-ի Եվրասիական բյուրոյի ղեկավար Դանիել Ռադը։
«Հեյդար Ալիևը ԿԳԲ-ի աշխատակից էր։ Նա ինքն է պատմել, որ լինելով ԿԳԲ-ի գործակալ Թեհրանում՝ քաղաքի անկյուններից մեկում կոշիկ էր մաքրում։ Նա այդ մասին մեծ հպարտությամբ էր խոսում։ Այլ կերպ ասած՝ նա ցանկանում էր ցույց տալ, որ գիտի Իրանն ու Թեհրանը»,- ասել է Ալաստը։
Նշենք, որ Ադրբեջանի նախկին նախագահ, գործող նախագահ Իլհամ Ալիևի հայրը՝ Հեյդար Ալիևը, ըստ տարբեր տեղեկությունների՝ ԽՍՀՄ տարիներին աշխատելով ԿԳԲ-ում՝ գործել է տարբեր երկրներում՝ Իրանում, Թուրքիայիում, Պակիստանում, Աֆղանստանում։
Էմմա Չոբանյան
