25.04.2026 | 12:11
Ֆրանսիան միշտ կլինի Հայաստանի կողքին. Լըկոռնյու
Քանի դեռ բանտարկված եմ, սնունդ չեմ ընդունի․ Սաակաշվիլին համաձայնել է բժշկական օգնություն ստանալ
Քաղաքականություն
20.10.2021 | 18:35
Քանի դեռ բանտարկված եմ, սնունդ չեմ ընդունի, սակայն ցանկանում եմ մինչև վերջ պահպանել առողջ միտքը, այդ պատճառով համաձայն եմ բժիշկների միջամտությանը: Այս մասին հայտարարել է Վրաստանի նախկին նախագահ Միխայիլ Սաակաշվիլին բանտից հերթական նամակում, գրում է Գրուզիա օնլայնը։
Նա պարզաբանել է, որ դեղորայքային բուժումը թույլ կտա իրեն չկորցնել գիտակցությունը և, թեկուզ չափազանց սահմանափակ, սակայն «ամեն դեպքում մասնակցել ընթացիկ իրադարձություններին»։
«Քանի դեռ բանտարկված եմ, սնունդ չեմ ընդունի։ Սրա հետ մեկտեղ, ցանկանում եմ մինչև վերջ պահպանել առողջ միտքը, այդ պատճառով էլ համաձայն եմ բժիշկների կողմից դեղորայքային միջամտությանը, որը կօգնի ինձ գիտակից մնալ և թույլ կտա թեկուզ սահմանափակ, սակայն մասնակցել ընթացիկ իրադարձություններին, որպեսզի օգնեմ Վրաստանին այնքան ժամանակ, քանի դեռ ուժ ունեմ։ Այժմ հանրությունը շատ համախմբված է և, չնայած իմ անձնական վիճակին, ես ինչպես երբևէ դրական եմ տրամադրված»,- հայտարարել է Միխայիլ Սաակաշվիլին։
Տաթև Ֆռանգյան
