30.07.2026 | 12:39
Նիկոլ Փաշինյանի ճեպազրույցը՝ ՈՒՂԻՂ
Պեսկովը չի բացառել, որ Պուտինն ու Բայդենը մինչև տարեվերջ կարող են հանդիպել
Քաղաքականություն
20.10.2021 | 15:03
ՌԴ նախագահի խոսնակ Դմիտրի Պեսկովը չի բացառել Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի՝ մինչև տարեվերջ «այս կամ այն ձևաչափով» հանդիպման հավանականությունը, գրում է ՏԱՍՍ գործակալությունը։
Լրագրողների հետ զրույցում Կրեմլի ներկայացուցիչը նշել է, որ ՌԴ նախագահի օգնական Յուրի Ուշակովի և ԱՄՆ պետքարտուղարի տեղակալ Վիկտորյա Նուլանդի վերջին հանդիպման ժամանակ «քննարկվել են տարբեր տարբերակներ, համաձայեցվել որոշ ըմբռնումներ»։
«Այն բանից հետո, երբ կհստակեցվեն ժամկետներն ու ձևաչափը, մենք կտեղեկացնենք»,- ասել է Պեսկովը։
Հարցին՝ արդյո՞ք նման հանդիպում հնարավոր է 2021 թվականին, Պեսկովը պատասխանել է, որ հավանական է։
«Այս կամ այն ձևաչափով դա լիովին իրական է։ Մենք ժամանակին ձեզ կտեղեկացնենք»,- ասել է ՌԴ նախագահի մամուլի խոսնակը։
Էմմա Չոբանյան
