Տեսանյութեր
20.10.2021 | 13:46Մամուլում շրջանառվող լուրերի համաձայն՝ Զանգեզուրի պղնձամոլիբդենային կոմբինատի տնօրեն է նշանակվելու Տիգրան Ավինյանը: Լրագրողների հետ զրույցում անդրադառնալով այս դիտարկմանը՝ ԱԺ տնտեսական հարցերի մշտական հանձնաժողովի նախագահ Վահե Հակոբյանը նշեց, որ ինքն այդպիսի տեղեկություն չունի. «Դա երևի մամուլի մտահղացումն է: Տիգրան Ավինյանը, որքան գիտեմ, մասնագիտական ունակություններ չունի, որ ղեկավարի այդ կոմբինատը: Հաշվի առնենք, որ ամենամեծ բաժնետերը , որին պատկանում է 45 տոկոսը «ԳեոՊրոՄայնինգ» ընկերությունն է, որը տնօրեն կնշանակի իր կողմից»:
Հարցին, թե բացառո՞ւմ է որ պայմանավորվածություն կլինի այդ ընկերության և կառավարության միջև, Հակոբյանը նշեց. «Ես ոչինչ չեմ բացառում: Բայց ըստ օրենքի, եթե պետությունն ունի 15 տոկոս կամ ինչ որ «x» տոկոս բաժնեմաս, ներկայացուցիչ կարող է ունենալ խորհրդում և մեկ- երկու ոլորտներում որպես դիտորդ հետևել, օրինակ՝ ֆինանսական գործունեությանը: Դրանից ավել՝ ինձ համար զարմանալի է»:
Մանրամասները՝ տեսանյութում:
