Հասարակություն
19.10.2021 | 17:00
Երևանում ռուսական ուղղափառ եկեղեցին նախատեսվում է կառուցել քաղաքում չպահպանված առաջին ուղղափառ եկեղեցու վայրում։ Այս մասին ՌԻԱ Նովոստիին պատմել է Ռուս ուղղափառ եկեղեցու Հայաստանի և Երևանի արքեպիսկոպոս Լեոնիդ Գորբաչովը։
«Հայաստանում ուղղափառների միավորման կենտրոններից մեկը կդառնա առաջնորդանիստ համալիրը, որի կառուցումը նախատեսվում է Երևանում։ Ուշագրավ է, որ առաջին ուղղափառ եկեղեցին Երևանում՝ օծված ի պատիվ Սուրբ Աստվածածնի, ժամանակին գտնվել է այն նույն վայրում, որտեղ այժմ նախատեսվում է համալիրի կառուցումը: Ցավոք, տաճարը չի պահպանվել, ինչպես և բազմաթիվ քրիստոնեական սրբավայրեր»,- ասել է արքեպիսկոպոսը։
Այնուամենայնիվ, ըստ արքեպիսկոպոսի՝ վաղ է խոսել դրա կառուցման ժամկետների մասին:
«Առաջնային խնդիրն է՝ ավարտել Հայաստանում Ռուս ուղղափառ եկեղեցու լիարժեք կարգավիճակ ստանալու գործընթացը․ իրավաբանական անձի ու Երևանի ու Հայոց թեմի գրանցումը, ինչը թույլ կտա ակտիվորեն զարգանալ, շփվել հոգևորականների և հավատացյալների, դիվանագիտական ներկայացուցչությունների, Հայաստանում ռուսական կազմակերպությունների և ընկերությունների, մեր հայրենակիցների հետ»,- նշել է Լեոնիդ արքեպիսկոպոսը:
Տաթև Ֆռանգյան
