23.08.2026 | 14:26
Վթարային ջրանջատում Երևանում
Էրդողանը հայտարարել է, թե մարդկության ճակատագիրը չպետք է թողնել Երկրորդ համաշխարհային պատերազմում հաղթած «մի բուռ» երկրների ողորմածությանը
Քաղաքականություն
19.10.2021 | 15:00
Թուրքիայի նախագահ Ռեջեփ Թայիփ Էրդողանը Երկրորդ համաշխարհային պատերազմում հաղթած «մի բուռ» երկրների դերի նվազման կոչ է արել, գրում է «Անադոլու» գործակալությունը։
«Մարդկության ճակատագիրը չպետք է թողնել Երկրորդ համաշխարհային պատերազմում հաղթած մի բուռ երկրների ողորմածությանը։ Այն դեպքում, երբ աշխարհը և մեր կյանքի բոլոր ասպեկտները փոխվում են, իսկ դիվանագիտությունը, առևտուրն ու միջազգային հարաբերությունները ռադիկալ փոփոխությունների են ենթարկվում, մենք չենք կարող ենթադրել, որ համաշխարհային անվտանգության ճարտարապետությունը պետք է մնա նույնը»,- ասել է Էրդողանը Անգոլայի խորհրդարանում ունեցած ելույթում։
Նշենք, որ երկար ժամանակ է՝ Թուրքիայի նախագահը կոչ է անում բարեփոխել ՄԱԿ-ի Անվտանգության խորհրդի մշտական անդամների կազմը՝ նշելով, որ 5 մշտական անդամները չեն կարող աշխարհի ճակատագիրը որոշել։ Բնականաբար, Էրդողանը նոր դերում ցանկանում է տեսնել Թուրքիային։
Էմմա Չոբանյան
