Ադրբեջանը Արցախի գրավյալ Քաշաթաղի (Լաչին) շրջանում նոր զորավարժություններ է սկսել։ Տեղական լրատվամիջոցները, վկայակոչելով ՊՆ-ին, հայտնում են, որ հոկտեմբերի 19-ին Ադրբեջանի ԶՈՒ ցամաքային զորքերի պատրաստման պլանի համաձայն՝ Լաչինում մեկնարկել են հրամանատարաշտաբային զորավարժություններ։
Զորավարժությունների ընթացքում ստուգվելու է ցամաքային զորքերի համագործակցությունը այլ զորատեսակների հետ՝ կառավարման ժամանակակից մեթոդների կիրառմամբ։
Այլ մանրամասներ չեն հաղորդվում։
Հիշեցնենք, որ այս տարվա սեպտեմբերի սկզբին դարձյալ Լաչինում Ադրբեջանը Թուրքիայի հետ համատեղ զորավարժություններ էր անցկացրել։
Էմմա Չոբանյան
