23.08.2026 | 15:17
Ղազախստանում մեկնարկել են խորհրդարանական ընտրությունները
Ադրբեջանի, Թուրքիայի և Վրաստանի խորհրդարանների ներկայացուցիչները հանդիպել են Անկարայում
Քաղաքականություն
19.10.2021 | 16:11
Անկարայում տեղի է ունեցել Ադրբեջանի, Թուրքիայի և Վրաստանի խորհրդարանների արտաքին կապերի հարցերով կոմիտեի ներկայացուցիչների եռակողմ հանդիպումը, գրում է «Անադոլուն»։
Թուրքիայի Ազգային մեծ ժողովի արտաքին գործերի հարցերով գլխավոր հանձնաժողովի ղեկավար Ակիֆ Չաղաթայ Քըլիչը հանդիպել է Ադրբեջանի Միլի Մեջլիսի կոմիտեի նախագահ Սամեդ Սեիդովի և Վրաստանի խորհրդարանի արտաքին կապերի կոմիտեի ներկայացուցիչ Նիկոլոզ Սամխարաձեի հետ։ Հանդիպումից առաջ ունեցած ելույթում Քըլիչը գոհունակություն է հայտնել Ադրբեջանի և Վրաստանի պատվիրակություններին ընդունելու փաստի կապակցությամբ:
Իր հերթին, ադրբեջանական պատվիրակության ղեկավար Սեիդովը նշել է, որ խորհրդարանական հանձնաժողովը ջանքեր կգործադրի եռակողմ հարաբերությունների զարգացման համար: Սամխարաձեի խոսքով էլ՝ եռակողմ հանդիպումները կարևոր հարթակ են՝ ընթացիկ օրակարգային հարցերի քննարկման համար և մեծ ներդրում կունենան երեք երկրների հարաբերությունների զարգացման գործում։
Տաթև Ֆռանգյան
