23.08.2026 | 14:26
Վթարային ջրանջատում Երևանում
Կրետե կղզու մոտակայքում 6,4 մագնիտուդով երկրաշարժ է գրանցվել
Քաղաքականություն
19.10.2021 | 14:51
6.4 մագնիտուդով երկրաշարժ է տեղի ունեցել Միջերկրական ծովում՝ հունական Կրետե կղզու մոտակայքում, հայտնում է Միջերկրածովյան սեյսմոլոգիական եվրոպական կենտրոնը (EMSC):
Ցնցումները գրանցվել են ժամը 05։32-ին: Էպիկենտրոնը գտնվել է Հերակլիոնից 308 կմ և Կարպատոս կղզուց մոտ 115 կմ հեռավորության վրա, օջախը՝ 60 կիլոմետր խորությամբ:
Զոհերի ու վիրավորների մասին տեղեկություններ դեռևս չեն ստացվել։ Ստորգետնյա ցնցումները զգացել են նաև Իսրայելի և Միջերկրական ծովի արևելյան մասի այլ երկրների բնակիչները՝ Թուրքիայից մինչև Եգիպտոս:
Կրետե կղզու շրջանում երկրաշարժեր են գրանցվել նաև սեպտեմբերի վերջին և հոկտեմբերի սկզբին: Տարերային աղետից վնասվել էին հարյուրավոր տներ և տուժել տասնյակ մարդիկ, կար նաև մեկ զոհ։
Տաթև Ֆռանգյան
