14.09.2026 | 17:49
Չեմ վիճարկում Ղարաբաղի՝ նախկինում հակամարտությունից տուժած շրջաններում հայկական հարուստ հետքը. Գրոնո
Ադրբեջանը սաբոտաժի է ենթարկում և խոչընդոտում Իրանից ՌԴ ապրանքների արտահանմանը
Քաղաքականություն
18.10.2021 | 22:03
Ադրբեջանը Իրանի հետ լարված հարաբերությունների ֆոնին սկսել է խոչընդոտել Իրանից ՌԴ ապրանքների արտահանմանը։ Այս մասին հայտարարել է Ռուս-իրանական առևտրային պալատի տնօրենների խորհրդի անդամ Դենիս Ջալալիֆարը, Eadaily-ի փոխանցմամբ՝ հաղորդում է ILNA գործակալությունը։
«Ռուսաստան մեր արտահանման 80%-ը մթերային և գյուղատնտեսական ապրանքներ են, որոնց մեծ մասն ադրբեջանական Աստարայի սահմանից է ուղարկվում։ Այդ ուղղությամբ մենք բախվում ենք սաբոտաժի և Ադրբեջանի իշխանությունների հետ համագործակցության հրաժարման»,- ասել է Ջալալիֆարը։
Նրա խոսքով՝ ադրբեջանական կողմն ուղղակի չի ասում, որ սահմանը փակ է, սակայն արհեստական խոչընդոտներ է ստեղծում իրանցի գործընկերների համար։
«Ամեն օր նրանք տարբեր պատճառներ են բերում՝ ինչու սահմանը չի աշխատում։ Սկզբում էլեկտրականությունն անջատեցին, այնուհետև ռենտգենի սարքն էր խոտանցած, հետո՝ հսկող շներ չկային»,- ասել է նա՝ նշելով, որ այդ պատճառով շատ բեռնատարներ հերթ են կանգնում սահմանին, որն Աստարայում հասնում է 10 կիլոմետրի։
Էմմա Չոբանյան
