18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Իրանը բանակցում է Մոսկվայի հետ կործանիչների և ուղղաթիռների ձեռքբերման հարցով
Քաղաքականություն
18.10.2021 | 21:10
Իրանի ԶՈՒ Գլխավոր շտաբի պետ Մոհամմադ Բաղերին հայտնել է, որ Մոսկվայի հետ բանակցում են ռուսական կործանիչների և ուղղաթիռների ձեռքբերման հարցով։ Այս մասին գրում է ՌԻԱ Նովոստին՝ վկայակոչելով իրանական Fars գործակալությանը։
Նախօրեին Բաղերին ժամանել է Մոսկվա, որտեղ մտադիր է ՌԴ ՊՆ ղեկավար Սերգեյ Շոյգու հետ քննարկել Աֆղանստանում վերջին իրադարձությունները, ինչպես նաև ռուսական սպառազինության գնման համաձայնագիրը։
«Հիմա մենք բանակցություններ ենք վարում ռուսական կործանիչների և ուղղաթիռների գնման համաձայնագրերի շուրջ»,- ասել է Իրանի ԳՇ պետը։
Նա նշել է, որ համաձայնագրերը կնքվելու են ՄԱԿ-ի կողմից Իրանի նկատմամբ զենքի էմբարգոյի վերացումից հետո։
Էմմա Չոբանյան
