18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Իրանի ԱԳՆ-ն ադրբեջանցի պաշտոնյաներին խորհուրդ է տվել՝ «թույլ չտալ երրորդ երկրներին խաթարել Թեհրանի հետ հարաբերությունները»
Քաղաքականություն
18.10.2021 | 19:43
Իրանի ԱԳՆ պաշտոնական ներկայացուցիչ Սայիդ Խաթիբզադեն Ադրբեջանին խորհուրդ է տվել՝ թույլ տալ իրանցի և ադրբեջանցի պաշտոնյաների միջև շարունակել բանակցությունները դիվանագիտական խողովակներով։ Իրանական ISNA-ի փոխանցմամբ՝ այս մասին Խաթիբզադեն հայտարարել է ճեպազրույցի ընթացքում։
«Ադրբեջանցի պաշտոնյաները լավ, կառուցողական և եղբայրական ուղերձներ են հղել դիվանագիտական խողովակներով, և պետք է թույլ տալ շարունակել բանակցություններն այդ ուղղությամբ։ Մենք խորհուրդ ենք տալիս ադրբեջանցի պաշտոնյաներին՝ հետևել իրենց լեզվին ու թույլ չտալ երրորդ երկրների կողմից շահարկումները»,- ասել է Խաթիբզադեն։
«Իրանն ու Ադրբեջանը ունեն շատ լավ հարաբերություններ։ Ադրբեջանցի պաշտոնյաները չպետք է թույլ տան, որ երրորդ կողմերը խաթարեն Իրանի հետ նորմալ հարաբերությունները»,- հավելել է իրանցի դիվանագետը։
Էմմա Չոբանյան
