29.06.2026 | 14:16
«Դադարեցրե՛ք դա»․ Օրբելյանի և Սեդա Սաֆարյանի վեճից հետո փաստաբանին նկատողություն հայտարարվեց․ ՏԵՍԱՆՅՈՒԹ
Այսօր իրականացվել է 260 մշտադիտարկում, կազմվել` 58 արձանագրություն. տեսչական մարմնի ներկայացուցիչ․ ՏԵՍԱՆՅՈւԹ
Հասարակություն
18.10.2021 | 18:56
ՀՀ քաղաքաշինության, տեխնիկական և հրդեհային անվտանգության տեսչական մարմինը տրանսպորտում հակահամաճարակային կանոնների պահպանման վերաբերյալ հոկտեմբերի 18-ին դիտարկումներ է իրականացրել մայրաքաղաքի 3 վարչական շրջաններում, ուսումնասիրել են Կենտրոնով, Ավանով ու Նոր Նորքով ուղևորափոխադրում կատարող 260 տրանսպորտային միջոց։
«Այսօր Երևանում իրականացված է 260 մշտադիտարկման արդյունքում կազմվել է 58 արձանագրություն խախտումների մասին: Հիմնականում արձանագրություն է կազմվել դիմակ չկրելու, ախտահանիչ հեղուկներ չունենալու փաստի առթիվ»,- այս մասին Factor.am-ի հետ զրույցում նշեց ՔՏՀԱ տեսչական մարմնի ներկայացուցիչ Հարությունյանը:
«Վարչական վարույթն իրականացնում է Աշխատանքի և առողջապահության տեսչական մարմինը, վարույթի ընթացքում կորոշվի նախազգուշացում կիրառել, թե տուգանք»- նշեց տեսչական մարմնի ներկայացուցիչը:
Նրա խոսքով՝ տրանսպորտային միջոցը վարակի տարածման մեծ աղբյուր կարող է հանդիսանալ, և դիմակ կրելով՝ հնարավոր կլինի կանխել վարակի տարածումը:
Մանրամասները՝ տեսանյութում:
