16.09.2026 | 18:55
Հայտնի է՝ ով է Սիմոնյանի նշած քրեական հեղինակությունը, որը, ըստ նրա, Հայկ Սարգսյանի ընտանիքի ընկերն է
Նոր Խարբերդ գյուղում տեղի է ունեցել 44-օրյա պատերազմում զոհված նորխարբերդցիների հիշատակին նվիրված խաչքարի բացման և օծման արարողություն
Հասարակություն
18.10.2021 | 18:15
Հոկտեմբերի 15-ին Արարատի մարզի Նոր Խարբերդ գյուղում տեղի է ունեցել 44-օրյա պատերազմում զոհված նորխարբերդցիների հիշատակին նվիրված խաչքարի բացման և օծման արարողություն. տեղեկացնում են ՀՀ ՊՆ-ից:
Մեկ տարի առաջ հենց այդ օրն է զոհվել ժամկետային զինծառայող Գրիգոր Դավթյանը, ով Արցախի Հանրապետության նախագահի հրամանագրով հետմահու պարգևատրվել է «Մարտական ծառայություն» մեդալով: Գյուղի մշակույթի տանը հուշ-ցերեկույթ էր կազմակերպվել, որին ներկա էին Գրիգորի հարազատներն ու ընկերները, ՏԻՄ ներկայացուցիչներ, զինվորականներ։ Զինակից ընկերները ներկայացրել են Գրիգորի անցած մարտական ուղին, պատմել նրա սխրագործությունների և անմնացորդ նվիրման մասին։
Հուշ-ցերեկույթից հետո ներկաներն այցելել են զինվորական պանթեոն՝ հարգանքի տուրք մատուցելու Գրիգորի և մյուս նահատակների հիշատակին։
