14.09.2026 | 13:16
Շվեդիայի ընտրություններում առաջատարը սոցիալ-դեմոկրատներն են
Իրանի ԱԳՆ-ն՝ թուրք-ադրբեջանական վերջին զորավարժությունների մասին
Քաղաքականություն
18.10.2021 | 18:38
Մենք մեր հարևան պետություններին ինչպես բարեկամական, այնպես էլ տարբեր ուղիներով ասել ենք, որ Իրանի Իսլամական Հանրապետությունը չի հանդուրժի սիոնիստական ռեժիմի անօրինական ներկայությունն իր սահմանների մոտ: Այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն այսօր Թեհրանում կայացած ճեպազրույցի ժամանակ, գրում է «ԻՌՆԱ»-ն։
Նա հավելել է, թե Պարսից ծոցի հարավային տարածաշրջանից մինչև Իրանի հյուսիսային հարևաններ, որտեղ էլ մուտք է գործել սիոնիստական ռեժիմը, «իրավիճակը խաթարվել է ահաբեկչությամբ և դավադրություններով»:
Անդրադառնալով Ադրբեջանի և Թուրքիայի վերջին զորավարժություններին՝ Խաթիբզադեն ասել է, որ նման վարժանքներ պարբերաբար իրականացվում են տարբեր երկրների կողմից, և որ դրանք բնական են, եթե այդ մասին տեղեկացվում են հարևան պետությունները:
«Իրանն ամեն անգամ հայտարարում է իր զորավարժությունների մասին ընկերներին և հարևան երկրներին»,- ասել է նա՝ հավելելով, որ նման վարքագիծը ցույց է տալիս պետությունների հասունությունը:
Տաթև Ֆռանգյան
