01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Մահացել է ԱԹՍ արտադրող «Baykar savunma» ընկերության հիմնադիր Օզդեմիր Բայրաքթարը
Քաղաքականություն
18.10.2021 | 17:28
72 տարեկանում մահացել է անօդաչու թռչող սարքեր արտադրող թուրքական «Baykar savunma»ընկերության խորհրդի նախագահ, Թուրքիայի նախագահ Ռեջեփ Թայիփ Էրդողանի խնամի Օզդեմիր Բայրաքթարը։ Այս մասին հայտնում են թուրքական լրատվամիջոցները։
Նրա որդիները՝ «Baykar savunma» ընկերության գործադիր տնօրեն Հալուք Բայրաքթարն ու ընկերության տեխնիկական գծով տնօրեն Սելջուկ Բայրաքթարը թվիթերյան էջերում գրառումներ են արել հոր մահվան կապակցությամբ։
Նշենք, որ հենց «Baykar savunma» ընկերության կողմից արտադրված «Բայրաքթարները» թուրք-ադրբեջանական կողմն ակտիվորեն կիրառեց Արցախյան 44-օրյա պատերազմում։
Հավելենք, որ Սելջուկ Բայրաքթարն ամուսնացած է Էրդողանի կրտսեր դստեր հետ։
Էմմա Չոբանյան
