22.04.2026 | 23:30
ՀՀ տարածքում ավտոճանապարհները հիմնականում անցանելի են
Ադրբեջանը նախատեսում է առաջիկայում 500 ընտանիք բնակեցնել Արցախի գրավյալ Թալիշում և Մատաղիսում
Քաղաքականություն
18.10.2021 | 17:19
Ադրբեջանը երկրում հավատարմագրված դիվանագիտական կորպուսի ներկայացուցիչների համար կրկին քարոզչական այց է կազմակերպել Արցախի գրավյալ տարածքներ, այս անգամ՝ Թալիշ ու Մատաղիս։ Ադրբեջանական լրատվամիջոցերի հաղորդմամբ՝ այցին մասնակցել են Թուրքիայի, Պակիստանի, Սաուդյան Արաբիայի, Մեծ Բրիտանիայի, Ռուսաստանի, Լեհաստանի, Սերբիայի, Եգիպտոսի, Լիբիայի, Ղրղզստանի դեսպանները, ռազմական կցորդները, հյուպատոսներն ու այլ դիվանագետներ։
Այցի ընթացքում լրագրողների հետ զրույցում Տերտերի շրջանի վարչական ղեկավար Մուսթագիմ Մամեդովը լրագրողների հետ զրույցում ասել է, որ օկուպացված Թալիշում ու Մատաղիսում «վերականգնման աշխատանքներ են տարվում և առաջիկայում պատրաստվում են մարդկանց բնակեցնել»՝ հիշեցնելով, որ ավելի վաղ Ադրբեջանի նախագահ Իլհամ Ալիևը նույնպես այցելել է հայկական այդ բնակավայրեր։
«Երկրի ղեկավարը Թալիշում և Մատաղիսում բարձրացրել է պետական դրոշը։ Առաջիկայում նախատեսվում է մոտ 500 ընտանիքի բնակեցում»,- ասել է Մամեդովը՝ այլ մանրամասներ չներկայացնելով։
Էմմա Չոբանյան
