29.03.2026 | 18:19
ԹՐԻՓՓ-ի շուրջ քննարկումները չեն դանդաղել․ փաստաթղթերի համաձայնեցման փուլում ենք․ Միրզոյան
Իրանը կենտրոնացած է Հայաստանի հետ առևտրի հետագա ակտիվացման ուղղությամբ
Քաղաքականություն
18.10.2021 | 16:30
Իրանի արտահանման խթանման կազմակերպության (EPO) ղեկավարը հայտարարել է, որ Թեհրանը կենտրոնացած է Հայաստանի հետ առևտրի հետագա ակտիվացման ուղղությամբ և իր հարևան երկրների հետ հարաբերություններում առաջնահերթություն է տալիս տնտեսական կապերի և արտահանման ուղղությունների զարգացմանը։ Այս մասին գրում է ԻՌՆԱ գործակալությունը:
Ալի-Ռեզա Պեյմանխահը EPO-ի ներկայացուցիչների 17-րդ նստաշրջանում ունեցած ելույթում նաև հայտարարել է, որ առևտրային ենթակառուցվածքներն արդիականացման կարիք ունեն, և արտահանման ապրանքների բազմազանությունը նույնպես կարևոր է՝ երկրից արտահանումը խթանելու համար:
Նա հայտարարել է, որ Իրանը կենտրոնացած է Հայաստանի հետ առևտրի հետագա ակտիվացման վրա՝ կրկնելով, որ ձեռք են բերվել պայմանավորվածություններ Կասպից ծովում 6 նոր նավագնացության ուղիների ստեղծման վերաբերյալ:
Անդրադառնալով առևտրային պայմանագրերին և համաձայնագրերին, մասնավորապես՝ Եվրասիայի հետ կապված, EPO-ի ղեկավարն ասել է, որ առևտրի ընթացքում անհրաժեշտ է երկկողմ փոխգործակցություն մասնավոր հատվածի հետ, ինչը նշանակում է, որ տնտեսական ակտիվիստները կարող են արդյունավետ համագործակցության միջոցով նպաստել առևտրային ենթակառուցվածքների բարելավմանը:
Տաթև Ֆռանգյան
