01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Տաջիկ-աֆղանական սահմանին հայ զինվորականների մասնակցությամբ ՀԱՊԿ վարժանքներ են մեկնարկել
Քաղաքականություն
18.10.2021 | 14:00
Տաջիկստանի հարավում մեկնարկել են ՀԱՊԿ անդամ երկրների զորքերի մասնակցությամբ վարժանքները։ Այս մասին հայտնում է «ՌԻԱ Նովոստի»-ն՝ վկայակոչելով Տաջիկստանի ՊՆ մամուլի ծառայության ղեկավար, գնդապետ Ֆարիդուն Մախմալիզոդային:
Վերջինը նշել է, որ հոկտեմբերի 18-ից 23-ը Տաջիկստանի զինված ուժերի «Մոմիրակ» և «Հարբմեյդոն» զորավարժարաններում «Մարտական եղբայրություն 2021» համատեղ օպերատիվ-ռազմավարական զորավարժությունների շրջանակում կանցկացվեն «Էշելոն 2021», «Որոնում 2021 » և «Փոխազդեցություն 2021» հատուկ վարժանքները։
Տաջիկ-աֆղանական սահմանի մոտ վարժանքներին մասնակցում են Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի ԶՈՒ ներկայացուցիչներ:
Տաթև Ֆռանգյան
