16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հունաստանում վառել են 2022 թվականի Պեկինի ձմեռային օլիմպիական խաղերի կրակը
Քաղաքականություն
18.10.2021 | 13:40
Հունաստանում մեկնարկել է 2022 թվականի Պեկինի ձմեռային օլիմպիական խաղերի կրակի վառման արարողությունը։ Կորոնավիրուսի համաճարակի պատճառով արարողությունն արդեն երկրորդ անգամ անցկացվում է առանց հանդիսատեսի։
Հոկտեմբերի 19-ին կրակը կփոխանցեն Չինաստանի պատվիրակությանը, ինչից հետո այն հատուկ չարթերային չվերթով կհասցնեն Չինաստան, իսկ փետրվարի 4-ին տեղի կունենա Պեկինի օլիմպիական խաղերի բացման արարողությունը։
Հավելենք, որ Օլիմպիական խաղերի հայրենիքում կրակի վառման արարողության ավանդույթի հիմքը դրվել է 1936 թվականին։ Կրակի վառման արարողությանը սովորաբար մասնակցում է 11 դերասան, որոնք հին հունական աստվածուհիների կերպարով բեմադրում են հնագույն ծեսը Հերա աստվածուհու տաճարի տեղում: Գլխավոր «աստվածուհու» ձեռքում պահվող ջահը վառվում է արևի ճառագայթներն արտացոլող պարաբոլիկ հայելու միջոցով:
Տաթև Ֆռանգյան
