07.11.2024 | 19:49
Փաշինյանն ու Սլովակիայի վարչապետը մտքեր են փոխանակել Հայաստան-ԵՄ հարաբերությունների շուրջ
Էրդողանը հայտարարել է, որ ԱՄՆ-ն է առաջարկել Թուրքիային գնել F-16 կործանիչներ և հիմա բանակցություններ են ընթանում
Քաղաքականություն
18.10.2021 | 12:30
Թուրքիայի նախագահ Ռեջեփ Թայիփ Էրդողանը նախօրեին հայտարարել է, որ Միացյալ Նահանգներն է Անկարային առաջարկել F-16 կործանիչներ վաճառել F-35 ծրագրում նրա ներդրումների դիմաց, որից հեռացվել էր ռուսական С-400 համակարգերի գնման պատճառով, գրում են թուրքական լրատվամիջոցները։
Աֆրիկա մեկնելուց առաջ լրագրողների հետ զրույցում Էրդողանն ասել է, որ Թուրքիան ցանկանում է վերադարձնել F-35 ծրագրի իր ներդրումները և այդ հարցի շուրջ բանակցություններն ընթանում են։
«Մենք վճարել ենք 1․4 մլրդ դոլար F-35-ի համար և ԱՄՆ-ը նման առաջարկ է արել այդ վճարումների դիմաց։ Եվ այս առնչությամբ մենք ասել ենք՝ եկեք բոլոր քայլերն անենք, որոնք անհրաժեշտ են մեր երկրի պաշտպանության կարիքների բավարարման համար»,- ասել է Էրդողանը՝ նշելով, որ նոր F-16-երը կօգնեն զարգացնել այն։
Հավելենք, որ ավելի վաղ Reuters գործակալությունը հայտնել էր, որ Թուրքիան դիմել է ԱՄՆ-ին 40 Lockheed Martin-made F-16-երի գնման համար։ Այնուհետ այս լուրը հաստատեց Թուրքիայի նախագահի մամուլի խոսնակ Իբրահիմ Քալընը։
Էմմա Չոբանյան
