16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հայտնի է ՏԻՄ ընտրություններին մասնակցության վերջնական ցուցանիշը
Քաղաքականություն
17.10.2021 | 22:13
Կենտրոնական ընտրական հանձնաժողովը հրապարակել է մի շարք համայնքներում անցկացված համայնքապետի և ավագանու ընտրություններին մասնակցության ցուցանիշները: Ըստ այդմ, ժամը 20:00-ի տվյալներով ընտրություններին մասնակցել է ընտրողների 33,23 %-ը: Ըստ համայնքների պատկերը հետևյալն է.
Գյումրիում քվեարկությանը մասնակցել է ընտրողների 24.14%-ը, Գորիսում՝ 50.25 %-ը, Տաթևում՝ 62.66 %-ը, Մեղրիում՝ 59.47 %-ը, Դիլիջանում՝ 44.00 %-ը, Ֆերիկում՝ 28.62 %-ը, Շամիրամում՝ 25.91 %-ը, Ֆիոլետեվոյում՝ 27.83 %-ը, Տեղ համայնքում՝ 60.64%-ը։
Ընդհանուր առմամբ՝ քվեարկության իրավունք ունեցող 166 հազար 753 քաղաքացիներից ընտրությանը մասնակցել է 55 հազար 410 մարդ։
Քվեարկողների ակտիվությամբ աչքի են ընկնել Սյունիքի մարզի Տաթև ( 62.66 %) և Տեղ (60.64%) համայնքները, ինչպես նաև Մեղրին (59.47 %): Գյումրին ընտրություններին մասնակցության տեսանկյունից ամենապասիվն է եղել․տեղամասերի փակվելուց հետո գրանցվել է 24.14 %:
