19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Բժիշկը հայտնել է, որ Սաակաշվիլին դժվար է տեղաշարժվում
Քաղաքականություն
17.10.2021 | 22:04
Վրաստանի նախկին նախագահ Միխեիլ Սաակաշվիլին, ով 17-րդ օրն է, ինչ բանտում հացադուլ է անում, ֆիզիկապես թույլ է, սակայն շտապ հոսպիտալացման անհրաժեշտություն դեռ չկա, «ՌԻԱ Նովոստի»-ի փոխանցմամբ՝ հայտարարել է նրա անձնական բժիշկ Նիկոլոզ Կիպշիձեն:
«Ես խորհուրդ եմ տալիս կոնսիլիում նշանակել երեքշաբթի օրվանից շուտ, որպեսզի բժիշկները քննարկեն հետագա քայլերը։ Նրա մոտ նկատվում է թուլություն, դեմքի գունատություն, նրան դժվար է տեղաշարժվել։ Հոսպիտալացման անհրաժեշտություն այս պահին չկա։ Բայց տեսնենք, թե հետագայում ինչպես կլինի», – լրագրողներին հայտնել է Կիպշիձեն։
Բժիշկը հավելել է, որ Սաակաշվիլին բարոյապես ուժեղ է և չի պատրաստվում դադարեցնել հացադուլը։
Սաակաշվիլին Վրաստանում ձերբակալվել է հոկտեմբերի 1-ին, հայրենիքում նա մի քանի քրեական գործերով է անցնում։ Նախկին նախագահին հեռակա դատապարտել են բանկիր Սանդրո Գիրգվլիանիի սպանության և պատգամավոր Վալերի Գելաշվիլիին ծեծի ենթարկելու գործերով: Առաջին դեպքում Սաակաշվիլիին դատապարտել են 3 տարվա ազատազրկման, երկրորդում՝ 6 տարվա ազատազրկման։
