Քաղաքականություն
16.10.2021 | 12:31
Վաղը՝ հոկտեմբերի 17-ին, հանրապետության 6 մարզի 9 համայնքում ՏԻՄ ընտրություններ են լինելու:
Ըստ օրենքով սահմանված կարգի՝ այսօր «լռության օր» է. թեկնածուները կամ քաղաքական ուժերը որևէ քարոզչություն իրականացնելու իրավունք չունեն։
Համամասնական կարգով ընտրություններ կանցկացվեն Գորիսում, Գյումրիում, Մեղրիում, Տեղում, Տաթևում, Դիլիջանում, իսկ Շամիրամում, Ֆերիկում և Ֆիոլետովոյում՝ մեծամասնականով։
ԿԸՀ-ի տվյալներով՝ ընտրություններին մասնակցում են 17 կուսակցություններ ու կուսակցությունների դաշինքներ: Ընտրապայքարը թեժ է լինելու Գյումրիում, որտեղ գրանցված 10 քաղաքական ուժ կա։
Հիշեցնենք, որ ՏԻՄ ընտրություններ կկայանան նաև նոյեմբերի 14-ին և դեկտեմբերի 5-ին։
