24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Հոկտեմբերի 27-ում մեղադրում եմ ՌԴ-ին․ Փաշինյանն է ասում՝ «27»-ով Վազգեն Սարգսյանն ու Կարեն Դեմիրճյանը խափանեցին Մեղրիի հանձնումը․ Արամ Սարգսյան․ ՏԵՍԱՆՅՈւԹ
Քաղաքականություն
15.10.2021 | 21:15
Factor TV-ի հարցազրույցը «Հանրապետություն» կուսակցության նախագահ Արամ Սարգսյանի հետ․
-Պարո՛ն Սարգսյան, Դուք այն գործիչներից եք, որ քննադատում եք ՀՀ իշխանություններին՝ դիվանագիտական, անվտանգային համակարգերի դիվերսիֆիկացման հնարավորությունները չօգտագործելու մեջ։ Ի՞նչ կարող է տալ Արևմուտքը Հայաստանին «Ղարաբաղի հարցում»։ Ակնհայտ է՝ Ադրբեջանն ու Թուրքիան փորձում են Ֆրանսիային և ԱՄՆ-ին դուրս թողնել պրոցեսից, որոնք ասում են՝ ԼՂ կարգավիճակը պետք է որոշվի մշտական կարգավորման գնալու համար։ Եթե նույնիսկ ՀՀ-ն հաշվարկներ անի, որ Արևմուտքի հետ դաշինքը տալու է օգուտներ Արցախի հարցում, Դուք պատկերացնո՞ւմ եք ՌԴ-ի հակազդեցությունը, պահանջելու ենք հեռանա՞ն այստեղից՝ աշխարհաքաղաքական վեկտորի այդ փոփոխությունն իրականացնելու նպատակով։ Շիլաշփոթ չի՞ առաջանալու։
– Գիտեք՝ շիլաշփոթ առաջացավ, երբ որ Արցախյան երկրորդ պատերազմն եղավ ու ստատուս քվոն փոխվեց։ Այդ ստատուս քվոյի փոփոխվելուց հետո բոլորը հետևություն են արել, բացի Հայաստանից, որը մնացել է նույն գծի մեջ։ Այ տխուրը սրանում է։ Այսօրվա դրությամբ Ուզբեկստանը արդեն թուղթ է ստորագրել և ամերիկյան զորքերը կանգնելու են Ուզբեկստանում՝ 200 հոգի, որ հակաահաբեկչական խնդիրներ լուծեն։ Աշխարհն անընդհատ փոխվում է։ Իրանն է փոխել իր մոտեցումը։ Այսօր Սև ծովը Պարսից ծոցին կապելու խնդիր է առաջացել, և Իրանն ու ԱՄՆ-ն հայտնվել են նույն տեսակետի կողմում։ Սա միակ տեսակետն է, որտեղ ԱՄՆ-ի և Իրանի մոտեցումները համընկնում են։
-Եվ պետք է նկատել, որ Ադրբեջանի հետ սահմանին իրանական վերջին զորավարժություններին հակադարձում չեղավ ԱՄՆ-ից։
-Իհարկե, ԱՄՆ-ից հակադարձում չեղավ, ավելին՝ ԱՄՆ-ն ուզում է այդ ճանապարհը բացվի, որ շրջանցի Թուրքիան։ Իրանն ու ԱՄՆ-ն միասին թույլ չտվեցին Մեղրիի միջանցքի բացմանը։ ԱՄՆ-ն հստակ ցույց է տալիս, որ ինքը դեմ է Մեղրիի միջանցք ունենալուն։ Իսկ Մեղրին կորցնելու մասին եղբորիցս բացի որևէ մեկը դիպուկ չի ասել՝ դա նույնն է, որ դու տան դուռը փակես և բանալին կախես վզիցդ։ Դա կլինի ՀՀ-ի վերջը։ Այդ մասին նաև Լևոն Տեր-Պետրոսյանն է խոսել հանրահավաքում և շատ ճիշտ, թե մենք ինչ պարկի մեջ կհայտնվենք։ Ո՞վ է Մեղրիի հարցով բանակցել, ո՞ր թվին, ինչպե՞ս, ինչո՞ւ չի հակադարձում Քերի Քավանոյին, որ դա այստեղ է որոշվել։ Շատ ուրիշ բաներ էլ կան, որ գիտի Ժիրայր Լիպարիտյանը, գիտեր նաև՝ ցավոք լուսահոգի Շուգարյանը, թե Վարդան Օսկանյանը ԱՄՆ-ում խնդրել է, որ Մեղրիի տարբերակը հանեն բանակցային պրոցեսից, նրանք էլ ասել են․ «Գիտե՛ք ինչ, դուք եք առաջարկել, ինչո՞ւ հանենք», ու ինչ է պատասխանել Վարդան Օսկանյանը։
Պահը կգա, դա էլ թող Վարդան Օսկանյանը պատասխանի, որ իրենք չեն, ով է իրենց ասել, որ առաջարկեն։ Ես էս տարիներին նաև Ռուսաստանին եմ մեղադրում «27»-ում, ինչո՞ւ է Նիկոլ Փաշինյանը, որ այսօրվա դրությամբ իրերի դրությանն ամենածանոթ մարդն է, որովհետև ունի համակարգը, ասում է, որ «Հոկտեմբերի 27»-ով Վազգեն Սարգսյանն ու Կարեն Դեմրիճյանը խափանեցին Մեղրիի ծրագիրը։
Էդ ո՞վ էր 600 հազարով Ագարակը վաճառողը, էդ ո՞վ էր Քաջարանը սննկացնողը, որ սննկացնում էր՝ էժան առներ։ Չստացվեց, և նույնիսկ երբ ես այնտեղ ֆեռոմոլիբդենային վառարաններ դրեցի, Քաջարանը վաճառեց 132 միլիոնով, որի շահույթը մեկ տարվա մեջ 40 միլիոնով ավել էր, քան վաճառել էր։ Ու էդ մարդը էսօր արդարությունի՞ց է խոսում։
Հարցազրույցն ամբողջությամբ՝ տեսանյութում։
Ռոբերտ Անանյան
