07.11.2024 | 21:31
Շոլցը չեղարկել է Բաքու այցը՝ Գերմանիայում քաղաքական լարվածության պատճառով․ Bloomberg
Բայդենը երկընտրանքի առջև է՝ վաճառել Թուրքիային F-16 կործանիչներ, թե՝ ոչ
Քաղաքականություն
15.10.2021 | 19:33
Թուրքիայի ցանկությունը ԱՄՆ-ի հետ նոր կործանիչների ձեռքբերման գործարք կնքելու՝ երկընտրանքի առաջ է կանգնեցրել ԱՄՆ նախագահ Ջո Բայդենին։ Այս մասին ասել Financial Times-ի Թուրքիայի թղթակից Լաուրա Փիթելը։ Գրում է Ահվալ գործակալությունը։
Թուրքիայի ռազմաօդային ուժերը կախված են հնացող F-16-ից և հայտնվել տարածաշրջանային մրցակիցների հետևում, ինչպիսին են Հունաստանն ու Արաբական Միացյալ Էմիրությունները,որոնք Միացյալ Նահանգներից հաջորդ սերնդի F-35 կործանիչներ ստանալու հերթում են։
Թուրքիան հեռացվել է ԱՄՆ F-35 կործանիչների ծրագրից ռուսական S-400 համակարգեր գնելուց հետո և դրանից հետո այլընտրանքներ է փնտրում, ներառյալ սեփական կործանիչի արտադրման հնարավորությունը։
Մինչդեռ, Անկարան ձգտում է արդիականացնել իր F-16-ը, անցյալ շաբաթ Վաշինգտոնին խնդրել է հաստատել նոր գործարք։
«Այստեղ հնարավորություն կա», – մեջբերում է Փիթելը թուրք նախկին դիվանագետ Ալփեր Չոշքունի խոսքերը: «Սա երաշխիք կտա, որ թուրքական պաշտպանական արդյունաբերությունը կամ դրա մի զգալի մասը, կշարունակեն ներգրավված լինել տրանսատլանտյան հարաբերություններում: Դա ելք է մեր առջև ծառացած երկընտրանքից, որը կարող է մեծ ազդեցություն ունենալ շատ այլ ոլորտներում»,- ասել է դիվանագետը։
Ֆիլադելֆիայի արտաքին քաղաքականության հետազոտական ինստիտուտի Մերձավոր Արեւելքի ծրագրի տնօրեն Արոն Շթեյնն էլ ասել է, որ ռուսական զենքի գնումը հիմանական խոչընդոտն է Կոնգրեսի համար՝ Թուրքիա զենքի վաճառքի գործարքին հավանություն տալու համար։
