22.04.2026 | 10:48
«Լեսթերը» դուրս է մնացել Չեմպիոնշիփից․ ՏԵՍԱՆՅՈՒԹ
Ադրբեջանի ՊՆ-ն հաստատում է, որ ադրբեջանական կողմը կրակ է բացել Արցախի ՊԲ-ի սանիտարական մեքենայի ուղղությամբ
Քաղաքականություն
15.10.2021 | 17:14
Ադրբեջանի ՊՆ-ն հաստատում է, որ ադրբեջանական ԶՈՒ-ի ստորաբաժանումները այսօր առավոտյան կրակել են Արցախի ՊԲ-ի սանիտարական մեքենայի ուղղությամբ։ Ինչպես փոխանցում են ադրբեջանական լրատվամիջոցները, բնականաբար իր ոճում, Ադրբեջանի ՊՆ-ն հայկական կողմին է մեղադրել «ահաբեկչական սադրանք»-ի մեջ այն էլ՝ շտապօգնության մեքենայի օգտագործմամբ։
«Հոկտեմբերի 15-ի առավոտյան «հայկական անօրինական զինված» ստորաբաժանումները հերթական ահաբեկչություն-սադրանքի փորձն են կատարել շտապօգնության քաղաքացիական մեքենայի օգտագործմամբ Մարտակերտի ուղղությամբ»,- ասվում է հաղորդագրության մեջ։
Նշվում է, որ «ադրբեջանցի զինծառայողների զգոնության և ձեռնարկված միջոցառումների արդյունքում այդ փորձը կանխվել է»։
Փաստացի, ադրբեջանական կողմն ընդունում է, որ խախտել է հրադադարը ու կրակել շտապօգնության մեքենայի ուղղությամբ։
Հիշեցնենք, որ ավելի վաղ Արցախի ՊԲ-ն հաղորդագրություն էր տարածել, որ հոկտեմբերի 15-ին, ժամը 09։00-ի սահմաններում, ադրբեջանական ԶՈՒ ստորաբաժանումները կրակ են բացել Արցախի Հանրապետության հյուսիս-արևելյան ուղղությամբ տեղակայված ՊԲ ստորաբաժանման սանիտարական մեքենայի ուղղությամբ։ Հայկական կողմից տուժածներ չկան: Դեպքի վերաբերյալ տեղեկացվել է Արցախի Հանրապետությունում ՌԴ խաղաղապահ զորակազմի հրամանատարությունը։
Էմմա Չոբանյան
