Քաղաքականություն
15.10.2021 | 16:25
ՌԴ ԱԳ նախարար Սերգեյ Լավրովը, ելույթ ունենալով արտերկրում բնակվող ռուս հայրենակիցների՝ 7-րդ համաշխարհային կոնգրեսում, հայտարարել է, որ Տաջիկստանում 5 նոր ռուսական դպրոց է բացվելու՝ ռուսաց լեզվի դիրքերի ամրապնդման նախաձեռնության շրջանակում։
Նա նաև ասել է, որ նմանատիպ ծրագրեր են պատրաստվում Ուզբեկստանի համար, Հայաստանը ևս, ըստ Լավրովի, հետաքրքրություն է ցուցաբերում նախագծի նկատմամբ։
ՏԱՍՍ գործակալության հաղորդմամբ՝ Լավրովն ասել է, որ ՌԴ-ն ակտիվ գործողություններ է ձեռնարկում, որ նախագահ Վլադիմիր Պուտինի հրամանի համաձայն՝ «ամրապնդվեն ռուսաց լեզվի, ռուսական մշակույթի և, ընդհանուր առմամբ, ռուսական աշխարհի» դիրքերը։
Էմմա Չոբանյան
