13.12.2024 | 12:21
Հայտնաբերվել է 3 հետախուզվող
Չէինք սպասում այսպիսի մեծ արձագանքի․ Երևանի Ժամանակակից արվեստի թանգարանի տնօրենը՝ «Մշակութային երկխոսություն» ցուցահանդեսի մասին
Մշակույթ
15.10.2021 | 16:00
ՀՀ ԿԳՄՍ նախարարության և ՀՀ-ում Ֆրանսիայի Հանրապետության դեսպանության աջակցությամբ, Երևանի «Ժամանակակից արվեստի թանգարան» ՀՈԱԿ-ի նախաձեռնությամբ Եվրոպական ժառանգության օրերի շրջանակներում Գյումրիում և Վանաձորում անցկացվել է «Հայաստան-Ֆրանսիա․ մշակութային երկխոսություն» խորագրով ցուցահանդես՝ համաշխարհային ճանաչում ունեցող ֆրանսահայ անվանի արվեստագետներ Գառզուի և Ժանսեմի գրաֆիկական աշխատանքների ցուցադրությամբ։ Ցուցահանդեսին ներկայացվել են արվեստագետների 55 աշխատանքներ։ Երևանի Ժամանակակից արվեստի թանգարանի տնօրեն Նունե Ավետիսյանը Factor.tv-ի հետ զրույցում ասաց, որ նման նախաձեռնություն իրականացնում էին առաջին անգամ։
«Ցուցահանդեսը մեծ արձագանք ստացավ, մարդիկ ասում էին՝ էլի կազմակերպեք նման միջոցառումներ»,- նշում է թանգարանի տնօրենը։
Նշենք, որ հոկտեմբերի 17-ին՝ ժամը 18։00-ին, «Առնո Բաբաջանյան» համերգասրահի վերաբացված սրահում կմեկնարկի ցուցահանդեսի երևանյան փուլը, որի շրջանակներում տեղի կունենա ցուցահանդեսի երկլեզու պատկերագրքի շնորհանդեսը, որն իրականացվել է ՀՀ-ում Ֆրանսիայի Հանրապետության դեսպանության աակցությամբ։ Ժամը 19։00-ին միջոցառումը կեզրափակվի «Կադանս» երաժշտախմբի համերգային ծրագրով։
Մանրամասները՝ տեսանյութում։
Արփի Հակոբյան
