18.01.2026 | 11:10
ԵՄ երկրների դեսպանները հավաքվում են արտակարգ նիստի․ պատճառը Թրամփի հայտարարությունն է
Հուսամ, որ Ձեր մտքերի գոնե 5 տոկոսը ԱԳՆ-ն կկիսի. ռազմական հարցերով փորձագետը՝ Գուրգեն Արսենյանին. ՏԵՍԱՆՅՈՒԹ
Քաղաքականություն
15.10.2021 | 15:38
Հուսամ, որ Ձեր մտքերի գոնե 5 տոկոսը ԱԳՆ-ն կկիսի. Ժողովրդավարության և անվտանգության հարցերի հայկական կենտրոնի հերթական կլոր-սեղան քննարկման ժամանակ այս մասին նշեց ռազմական հարցերով փորձագետ Արմինե Մարգարյանը՝ դիմելով ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանին:
Փորձագետը նշեց, որ փորձագիտական հանրույթը վերլուծություններ է անում և եթե սխալ ուղղությամբ է գնում, ապա դա բացառապես իշխանությունների թերացումն է: Մարգարյանն ընդգծեց, որ փորձագիտական հանրույթի և իշխանության միջև պետք է լինի ինստիտուցիոնալ շփում:
Նշենք, որ Գուրգեն Արսենյանը քննարկման ժամանակ նշել էր. «Փորձագիտական հանրությունն իր դիտարկումներն ու հետևություններն անելիս պետք է հիշի, թե որտեղ է գտնվում ՀՀ-ն՝ միջազգային պարտավորությունների շրջանակում. ՀՀ-ն գտնվում է ԵԱՏՄ-ում, ՀԱՊԿ անդամ է: Մենք ունենք պարտավորություններ, դաշնակիցներ և հարևաններ, որոնց մի մասի հետ չեզոք, մյուս մասի հետ ակտիվ թշնամանքի հարաբերություններ ունենք. դատողություններ անելիս սա պետք է հիշել»:
«Երբ ասում եք՝ պատրաստվենք պատերազմի, նկատի ունե՞ք՝ ով ում հետ, որ կողմերի միջև. ճշգրտում արեք, որպեսզի պարզ լինի ինչ կոնցեպցիա եք առաջարկում»,- հավելել էր պատգամավորը՝ դիմելով փորձագետներին և ընդգծելով, որ փորձագիտական հանրության գիտելիքները պետք է օգնեն ստրատեգիկ պլանավորում իրականացնողներին:
Մանրամասները՝ տեսանյութում:
