23.08.2026 | 17:17
ՃՏՊ Արմավիր-Երևան ավտոճանապարհին․ կան տուժածներ և զոհ
Փաշինյանն Ալիևին նկատողություն արեց և պատասխանեց Իրանին ու Հայաստանին ուղղված մեղադրանքներին. ՏԵՍԱՆՅՈՒԹ
Տեսանյութեր
15.10.2021 | 15:33
Անկախ պետությունների համագործակցության պետությունների ղեկավարների խորհրդի առցանց նիստում Իլհամ Ալիևից ելույթից հետո ՀՀ վարչապետ Նիկոլ Փաշինյանը հայտարարեց, որ ԱՊՀ-ն փոխադարձ մեղադրանքների հարթակ չէ, և Հայաստանն իր դիրքորոշումները ներկայացրել է համապատասխան միջազգային կառույցին`ՄԱԿ-ի Հաագայի միջազգային դատարանին և այնտեղ է բարձրաձայնելու իր բոլոր մեղադրանքներն ու դիրքորոշումը ղարաբաղյան հակամարտության վերաբերյալ:
Նշենք, որ Ադրբեջանի նախագահ Իլհամ Ալիևն իր ելույթում մեղադրանքներ էր հնչեցրել Հայաստանի դեմ՝ մեղադրելով Իրանի հետ համատեղ «դեպի Եվրոպա միջազգային թմրաշրջանառություն կազմակերպելու», ականապատ դաշտերի քարտեզները Ադրբեջանին չհանձնելու, ԼՂ տարածքում «ադրբեջանական հուշարձաններն ու բնակավայրերը ավերելու» մեջ:
«Մենք շատ սերտորեն աշխատում ենք Իրանի իրավապահ մարմինների հետ և արդյունավետորեն պայքարում ենք թմրանյութերի ապօրինի շրջանառության դեմ: Մենք կարող ենք նաև թվեր ներկայացնել թմրանյութերի փոխադրման փորձերի կանխման ու առգրավված թմրանյութերի ծավալների մասին, որոնք պատերազմից հետո 3-4 անգամ ավելացել են»,- ընդգծեց Փաշինյանը:
Մանրամասները՝ տեսանյութում:
